പ്രണയത്തിന്റെ പ്രാരംഭസ്ഥാനം

അതെ... അങ്ങുച്ചിയില്‍ സൂര്യനിദിക്കുന്നിടത്തു നിന്നു തുടങ്ങണം.. പ്രണയത്തിന്റെ പ്രാരംഭസ്ഥാനമാണത്.. തുളഞ്ഞുകയറുന്ന പൊള്ളലുകളില്‍ നിന്നാണ് യാത്ര.. സുര്യനെ ഒന്ന് കണ്ണ് തുറന്നു നോക്കു.. രശ്മികള്‍ കൂരമ്പുപോലെ കണ്ണിലേയ്ക്ക് പാഞ്ഞുകയറും.. കണ്ണുകളടച്ചുപോകാന്‍ തോന്നും... അടയ്ക്കരുത്.. ഇരുട്ടിന്റെ വൃത്ത വളയങ്ങള്‍ സൃഷ്ടിക്കപ്പെടും. മയില്‍പീലിയുടെ വളയങ്ങള്‍ പോലെ അവ നൃത്തം ചെയ്യും.. അറിഞ്ഞോ ഹൃദയമിടിപ്പ് വേഗത്തിലാകുന്നത്.. ശ്വാസമെടുക്കാന്‍ പോലും പ്രയാസപ്പെടുന്നത്... പ്രണയത്തള്ളിച്ചയില്‍ നീ കീഴ്‌മേല്‍ മറിയുന്നത്..